fbpx

الميراث من أكتر الحاجات اللي ممكن تعمل مشاكل ما بين الورثة بعد موت المورث.

و ساعات ناس كتير ما بتقاش عارفة إيه الحاجات اللى المفروض تعملها عشان تتحصل على الميراث بتاعها أو بيكسلوا لكثرة الإجراءات و طول مدة التقاضى.

في سلسلة المقالات اللى جاية حتعرف كل حاجة تخص حقوقك في الميراث و إيه الإجراءات اللى لازم تاخدها عشان تتحصل على الميراث بتاعك؟

أول حاجة لازم تعرفها إن فيه ثلاث أنواع من العلاقات الإنسانية هما اللى بيسمحوا لشخص يرث من شخص تاني و هما الزواج و القرابة و النسب

الزواج: زوجة المتوفي أو زوج المتوفية.

القرابة: الأعمام و الأخوال و العمات و الخالات.

النسب: الأب و الأم و الأبناء.

 

طب إزاي أعرف إذا كنت أنا من الورثة ولا لا؟

زمان كان الموضوع صعب جداً و لازم تروح تسأل شيخ أو حد متخصص، دلوقتي الموضوع بقى سهل جداً مع وجود تطبيقات على الموبايل و مواقع إلكترونية ممكن تخليك تعرف إذا كنت انت من الورثة ولا و كمان نصيبك من الميراث.

و دي قائمة بأحسن التطبيقات و المواقع فيما يخص حساب المواريث:

المواريث

أندرويد:

https://play.google.com/store/apps/details?id=com.arabiait.mawareth&hl=en

iOS:

https://apps.apple.com/us/app/mawareeth/id579958021

سهم

أندرويد:

https://play.google.com/store/apps/details?id=com.yadumi.mawareeth3&hl=en&showAllReviews=true

Website of the Ministry of Justice in the Kingdom of Saudi Arabia

https://www.moj.gov.sa/ar/eServices/Pages/Details.aspx?itemId=10

بعد ما عرفت إذا كنت من الورثة و لا لا و مقدار نصيبك من الميراث ممكن تبدأ إجراءات التحصل على الميراث أول إجراء يجب إتخاذه للحصول على الميراث هو إستخراج قرار وصاية في حالة لو فيه قُصر من ضمن الورثة.

القاصر هو الشخص اللي سنه أقل من 21 سنة، يجب تعيين وصي عليه قبل إستخراج إعلام الوراثة و قرار الوصاية يتم إستخراجه من النيابة الحسبية (نيابة الأسرة) التابع ليها ( لها ) محل إقامة المتوفى أو مكان أغلبية تركة المتوفى أو محل إقامة الصغار المطلوب إستخراج قرار وصاية ليهم.

الأوراق المطلوبة للحصول على قرار وصاية:

شهادة وفاة المورث.

شهادات ميلاد القُصر.

بطاقة الرقم القومي للوصي و غالباً ما تكون الأم.

حضور الولي الشرعي لتنازله عن ولايته إن وجد و لا يرغب في ممارسة ولايته على القُصر (الولي الشرعي غالباً ما يكون الأب أو الجد)

يتم إستخراج قرار الوصاية خلال أسبوع أو أكثر من تاريخ الطلب.

بعد إستخراج قرار الوصاية في حالة وجود قصر يمكن للورثة البدء في إجراءات إستخراج إعلام الوراثة.

الأوراق المطلوبة:

شهادة وفاة المورث.

صور بطاقة الرقم القومي للورثة.

طلب إستخراج إعلام وراثة.

بيتم تقديم الأوراق المطلوبة من أحد الورثة أو وكيل عنه في قلم الكتاب الخاص بالمحكمة محل إقامة المتوفى و الواردة ببطاقة الرقم القومي الخاص به .

بعد تقديم تلك الأوراق يتم تحديد جلسة لإعلان بقية الورثة و سماع الشهود، في الجلسة دي لازم يحضر مع مقدم الطلب إتنين شهود من غير الورثة و يكونوا عارفين أسماء الورثة كلهم بالكامل عشان رئيس المحكمة حيسألهم عن إسم المتوفى و أسماء الورثة بعد حلف اليمين.

في الجلسة دي لازم يكون مع مقدم الطلب إعلان بقية الورثة بالجلسة المحددة لنظر إعلام الوراثة و يتم عمل هذا الإعلان في قلم المحضرين الخاص بالمحكمة.

بعد تقديم الإعلان و سماع رئيس المحكمة للشهود و تقديم قرار الوصاية في حالة وجود قُصر يتم تحديد موعد لإستلام إعلام الوراثة و يكون في معظم الأحيان من أسبوع لأسبوعين.

بعد إستخراج إعلام الوراثة بيبقى من حق الورثة التصرف في تركة المورث في حالة عدم وجود أي نزاع عليها أو ديون من قبل أي حد غريب عن الورثة أو نزاع ما بين الورثة أنفسهم.

 


Leave A Comment

لن يتم نشر عنوان بريدك الإلكتروني. الحقول الإلزامية مشار إليها بـ *

WhatsApp chat